每個星期日我都要教畫班

而且還要是連續四班

每班都有9個學生( 小朋友 )

本來對於教開小朋友

有著多年經驗的我

這不過是平常事

(雖然每次上完四班後都只剩下半條命)

但近來, 我的第一班~~~~~~~

唉! 加入了多個極品

何謂極品小朋友?

1. 不斷說話, 永遠都唔會停, 任何人任何事都要理會,

   聲浪仲要係好大( 大聲過人地用咪 )

2. 除了不斷說話, 遇上了對手( 1 ), 還會動手打人

3. 對自己要求愈來愈高, 卻愈來愈怕畫錯,

   最後變左唔識畫, 學左三年,

   一個簡單的圓圈, 現在先告訴我,  他不懂得畫

   落得叫苦連天的下場 ( 不斷地大叫: 我唔識畫呀! 我唔識畫呀! 跟住就喊 )

4. 一上堂就話要去洗手間/ 肚痛/ 膊頭痛/ 腳痕

  (經過我兩個月的教導, 終於唔痛, 但喜歡上了我,

  成堂都要我企在她身邊傾計)

5. 跟她說什麼都是呆呆的

   一句都唔回, 只會眼定定咁望住你

   同一樣嘢, 要講五次先聽到

6. 除了在畫紙上畫畫

   還會畫臺, 畫同學, 畫椅子, 畫牆, 畫地下~~~~~~~

7. 整堂都在諗自己的事

   但唔知佢諗咩

   突然間猛咁畫, 一邊口中不停地說: 我鍾意火車, 的士, van仔....

   但我教緊畫金魚

好喇! 咩叫做正常小朋友?

首先坐得安安定定

唔會亂講亂叫亂跳

你問咩都會有回應

叫佢做咩都會立即有反應, 有回應

呢個第一班

有一個(1), 一個(1+2), 一個(3), 一個(4), 一個(5), 兩個(7)

再加一個新人同正常小朋友

幸好無(6)

我在那一刻要用

-嚴厲的語氣對著(1+2)說: 安靜! 再嘈就要罰留堂!

-耐心的語氣對著(3)說: 點解唔識畫呀? 唔洗怕...我教你慢慢畫, 哇! 畫得好靚呀!

-友善的語氣對著(4)說: 哦! 好叻喎! 而家唔再肚痛...係呀?!你跑步拎第一名呀? 好犀利啊!

-等待的語氣對著(5)說: 你聽到我剛才說什麼嗎? 把這裡填滿, 把這裡填滿, 把這裡填滿, 把這裡填滿, 把這裡填滿.......(終於都填好了)

引誘的語氣對著(6)說: 嘻! 我今日有個好大嘅變型金剛貼紙, 你聽話嘅就送俾你

最後, 一個鐘頭十五分鐘嘅堂終於都完了

我件褸都多左幾劃深藍色

錢真係唔易賺

呢個月不斷在想

人死後到了哪裡?

人真的有靈魂所在嗎?

如真的有的話,

那些靈魂會走到哪裡?

會留在人間還是另有地方可去呢?

昨天是你出殯的日子

今天你便要化死灰燼了

雖然你已經逝去了

但一個人變成一堆灰的過程會痛苦嗎?

俗語想有人講笑地說: 你化左灰, 我都認得你

哼! 我覺得我見到你堆灰係一定認唔到你

堆灰有味道的嗎? 燶味? 特別氣味?

我腦海中不斷浮現你個樣, 你講過嘅說話

我在想: 如果你而家突然在我面前出現

又或者報個夢俾我

我完全唔會驚

因為那一個靈魂是你

你在我心目中

永遠都會是最與眾不同的

今早, 我真的發了一個夢,

我見到你來到一間餐廳找我

我攬著了你

周圍的人都見到你

他們似乎都好驚你

因為你沒有下半身

只是輕輕地飄著

我跟你說話

你唔出聲, 只微笑地看著我

我拖著你想同你去唔知邊度

不久, 便起了身

-----------------------------------------------------------------------------

很想再在夢中見到你

當你很想念一個人

而你永遠都不會再見到他

只好把他寄託在夢中

這似乎是一個不錯的方法

呢間嘢一定要大事宣揚

俾人揚得嘅...

一係就好好, 一係就好差囉

好唔好彩..

呢間嘢真係超級非常極很唔得

唔講佢嘅嘢食先

剩係講待客嘅方式已經夠數了

一. 一進去店舖範圍就開始計你時間, 夠鍾就好走, 唔好留在這裡

二. 面色超差, 人數不足嘅話一律唔俾進去, 咁都算啦, 仲要擺到個樣好似我地係犯咁樣 (試過有一次我同D朋友夾埋三位一起等位, 到有位的時候, 我同其中一位朋友先行去拎位, 另一位坐在等位的椅子上, 果個WAITRESS即刻黑哂塊面, 一手按住道門, 一手撐住條腰, 再以超串口吻加上用上極度鄙視眼神由高位瞄落黎: 你地唔夠人喎! 頂! 洗唔洗咁呀!

三. 找數唔收亳子, 呢樣就好多地方都會, 但他們一點都不近人情, 看到鄰近的食客是埋單是152元, 剩下的2元剛好只有散銀, 亦只是五亳子, 不是一,二亳那些, 但是他們堅持不收

四. 不找錢...哼! 最討厭的. 就算只是幾蚊, 客人俾錢時冇講過唔洗找, 你收完錢一定要找番俾人, 客人拎唔拎係另一回事, 俾TIPS唔係奉旨嘅,

何況, 你地D咁嘅服務...真係一亳子都唔想益你囉

五. 夜去的時候, 全部黑哂面, 心裡似乎在講: 妖! 咁夜仲黎食, 阻住哂我地收工, 死得啦, 咁樣做生意, 我俾錢黎你果度食嘢, 仲要受你氣, 一路食你地就一路拖地, 重要落重消毒劑黎拖, 我覺得自己好似一隻白老鼠, 俾佢地行緊刑咁囉

哇..轉個頭就以極速著番哂便服坐在你附近大大聲咁傾計, 當正你無到, 其實就係快D趕你走

六. D嘢食除左大就真係冇咩可取嘅地方, 價錢又唔係特別平, 平時都食開D清嘅嘢, 但佢嘅天婦蘿真的不想要食了, 炸到好硬, 油淋淋, 仲要無咪囉!

*果晚食完後, 我同個朋友都有肚痛!!